-
«Azərbaycan gözəl ölkədir, yaxşı inkişaf edir. Bu ölkənin çox yaxşı rəhbərliyi var».
apa-nın məlumatına görə, bunu Azərbaycanda səfərdə olan Rusiya Liberal-Demokrat Partiyasının sədri, Dövlət Dumasının deputatı Vladimir Zhirinovsky deyib.
Azərbaycanda rusdilli məktəblərin yaxşı saxlanıldığını və fəaliyyət göstərdiyini bildirən V. Zhirinovsky bu məktəblərin sayının artırılmasının yaxşı olacağını vurğulayıb.
Sentyabrın 26-da Azərbaycan prezidenti İlham Əliyev V.Zhirinovsky-ni qəbul edib.
AzərTAc-ın xəbərinə görə, görüşdə Azərbaycan ilə Rusiya arasında ikitərəfli münasibətlərin müxtəlif sahələrdə uğurla inkişaf etdiyi vurğulanıb.
Söhbət zamanı ikitərəfli münasibətlər, o cümlədən parlamentlərarası əlaqələrin hazırkı vəziyyəti və perspektivləri ətrafında fikir mübadiləsi aparılıb.