Aparıcı sənaye ölkələrindən ibarət Böyük Yeddilik Qrupu (G7) Ukraynada atəşkəsə dair Minsk sazişini alqışlayıb. Qrup sentyabrın 25-də yaydığı bəyanatda bu sazişi münaqişəyə siyasi həllin tapılması üçün “vacib imkan” adlandırıb.
Britaniya, Kanada, Fransa, Almaniya, İtaliya, Yaponiya və Birləşmiş Ştatlar atəşkəsin pozulması hallarını pisləyib, Rusiyanı Ukraynanın şərqindən qüvvələrini, silahları və avadanlığı çıxarmağa çağırıb.
G7 həmçinin Ukraynanı amnistiya və ölkənin şərqinə “xüsusi status” verdiyinə görə alqışlayıb.
Ukraynanın Avropa Birliyi ilə azad ticarət razılaşmasını ratifikasiya etməsi də dəstəklənib.
G7 bildirib ki, Rusiya atəşkəs sazişinə dair öhdəliklərinə əməl etsə, Rusiyaya sanksiyalar geri götürüləcək.
