Keçid linkləri

2016, 08 Dekabr, Cümə axşamı, Bakı vaxtı 18:31

BMT-nin İnkişaf Proqramının rəhbəri Azərbaycana gəlir


BMTİP rəhbəri Helen Clark

BMTİP rəhbəri Helen Clark

Birləşmiş Millətlər Təşkilatının İnkişaf Proqramının (BMTİP) rəhbəri Helen Clark 1-4 oktyabr 2014-cü il tarixlərində Azərbaycana səfər edəcək. Səfərin əsas məqsədi Azərbaycanın dayanıqlı inkişafı üçün təşkilat tərəfdən yüksək səviyyədə dəstəyin verilməsi, hökumətin iqtisadi və sosial inkişaf sahələrində uğurlarını müşahidə etmək və Azərbaycanın tam hüquqlu donor icmasına qoşulması yolunda hazırlığını yoxlamaqdır. Bu barədə BMT-nin Bakı ofisi məlumat yayıb.

Xanım Clark-ın IV Bakı Beynəlxalq Humanitar Forumda iştirakı planlaşdırılır. Səfər çərçivəsində Helen Clark yüksək rütbəli hökumət nümayəndələri, qadın siyasətçiləri, BMT-nin Azərbaycandakı İdarə Heyəti və ölkədə akkreditasiya olunmuş diplomatik nümayəndəliklərlə görüşəcəkdir. BMTİP-in rəhbəri həmçinin Azərbaycandakı BMTİP-in layihələri ilə ətraflı tanış olmaq üçün ölkədə səfərlər edəcək və 2015-ci ildən sonrakı İnkişaf Gündəliyi və Qlobal Dayanıqlı İnkişaf Məqsədləri üzrə ADA Universitetində mühazirə deyəcək.

Səfər zamanı Helen Clark-ı təşkilatın rəhbər müavini və Şərqi Avropa və MDB ölkələri üzrə BMTİP-in Regional Bürosunun Direktoru, Cihan xanım Sultanoğlu və digər BMT rəsmiləri müşahidə edəcək.

BMTİP-in rəhbərinin Azərbaycana sonuncu səfəri 1996-cı ildə olub. Həmin nümayəndə heyətinə, o vaxtkı BMTİP-in rəhbəri cənab Ceyms Qustav Spez rəhbərlik edib.

BMT-nin inkişaf agentliyi olan BMTİP dəyişiklik üçün təşviqat aparır və ölkələri bilik, təcrübə və resurslar naminə birləşdirir. 170-dən çox ölkə və ərazidə fəaliyyət göstərən bu təşkilat həyatlara səlahiyyətin verilməsi və güclü millətlərin yaradılmasına yardım etmək üçün qlobal yanaşma və yerli baxışlar təklif edir. 1992-ci ildən fəaliyyət göstərən BMTİP-in Azərbaycan Nümayəndəliyi səmərəli idarəçilik və dayanıqlı inkişafın təşviqi, eləcə də gender bərabərliyi, münaqişədən sonrakı yenidənbərpa və fəlakətlərin azaldılması riskləri sahələrində təqdirəlayiq işlər görmüşdür.

XS
SM
MD
LG