Oktyabrın 3-də Bakıda keçiriləcək «Bakutel» telekommunikasiya və informasiya texnologiyaları sərgisində 20 ölkədən 120 şirkət iştirak edəcək. Sərginin təşkilatçısı olan «ITE Group» şirkətinin Direktorlar Şurasının sədri Ceremi Henlinin verdiyi məlumata görə, sayca 12-ci sərgidə bu sahədə əldə olunan son nailiyyətlər nümayiş etdiriləcək. Sərgidə ilk dəfə olaraq ABŞ-ın 15 aparıcı şirkəti də iştirak edəcək.