-
Pələng balası!
Sovetlər Birliyinin, daha sonra isə Rusiyanın ən məşhur uşaq şousunda - «Спокойной ночи, малыши» (Gecəniz xeyrə qalsın, uşaqlar) verilişində yeni personaj olacaq. Adı da Mur (tam adı Amurdur).
Yeni personaj olmağa namizədlər canavar balası, meymun və zürafə imiş. Amma proqramın yaradıcıları pələng balasını seçiblər. Bu ideyanı onlara prezident Putin verib.
Putin özü də pələngləri sevir, onun təşəbbüsü ilə Amur pələnglərinin qorunması fondu yaradılıb. Hətta bir neçə il əvvəl ona ad günündə pələng balası da hədiyyə etmişdilər.
Pələng balası uşaqları əyləndirməklə yanaşı onlara nəsli kəsilməkdə olan heyvanlara sevgi aşılayacaq.
O ki qaldı pələng balasının xarakterinə, verilişin aparıcısı Oksana Fyodorvanın sözlərinə görə, o da Xryuşa kimi dəcəl, amma xeyirxah olacaq.