-
BMT-nin baş katibi Ban Ki-Moon sentyabrın 21-də Nyu Yorkda etiraz marşına qoşularaq dünya liderlərini iqlim dəyişikliyini önləmək üçün tədbirlər görməyə çağırıb.
Marşa ABŞ-ın vitse-prezidenti Al Gore və Nyu York meri Bill de Blasio da qoşulub.
Sentyabrın 23-də BMT-nin İqlim Sammiti qabağı dünyada silsilə tədbirlər keçirilir. Həmin sammitdə dünyanın 120 lideri, ABŞ prezidenti Barack Obama da iştirak edəcək.
Fəallar karbon tullantılarında böyük payı olan ölkələr – Çin, Hindistan, Kanada və Avstraliyanı təmsilçi göndərmədiyinə görə tənqid edib.
Bazar günü Londonda marşa 40 min adam qatılıb. Avropanın digər şəhərləri, Avstraliya və Asiyada daha kiçik nümayişlər keçirilib.