Belarusun Xarici İşlər Nazirliyi bildirir ki, Ukrayna böhranına davamlı həll tapmaq üçün danışıqların yeni raundu sentyabrın 19-da Minskdə keçiriləcək. Ancaq Kontakt Qrupunun görüşünün dəqiq vaxtı açıqlanmayıb. Həmin qrupa Rusiya, Ukrayna, rusiyayönlü separatçılar və ATƏT təmsilçiləri daxildir.
Qondarma Donetsk Xalq Respublikasının baş nazir müavini Andrei Purgin-in də danışıqlara qatılacağı bildirilir. Ukraynanı keçmiş prezident Leonid Kuchma təmsil edəcək.
Sentyabrın 5-də Ukrayna və separatçılar atəşkəsə razılaşıblar. Ara-sıra atışmaya baxmayaraq kövrək atəşkəs qalmaqdadır.