Keçid linkləri

logo-print
2016, 02 Dekabr, Cümə, Bakı vaxtı 22:27

İlkin nəticələr qəti şəkildə müstəqlliyə “yox” deyən düşərgənin qələbəsini göstərib.

-

Britaniyanın Şotlandiya əyalətinin müstəqililyinə dair referendumda səslərin sayılması davam etsə də, ilkin nəticələr qəti şəkildə müstəqilliyə “yox” deyən düşərgənin qələbəsini göstərib.

Şotlandiyanın Qlazqo şəhərində müstəqillik tərəfdarları 53-47 faiz nisbətində qalib gəlsələr də, əksər seçki dairələrində “Yox” düşərgəsi üstünlük qazanıb.

London vaxtı ilə səhər saat 5:14-də açıqlanan rəsmi BBC proqnozunda Şotlandiyanın müstəqilliyə “yox” dediyi elan edilib.

Bununla belə, ümumilikdə “yox” və “hə” səslərinin arasındakı fərq 200 mindən bir qədər çoxdur.

Bu, Şotlandiya cəmiyyətinin müstəqillik barəsində fikirlərin az qala bərabər iki hissəyə bölündüyünü göstərir.

Təhlilçilərin fikrincə, Britaniyanın bütövlüyünün qorunmasına səbəb son anda ölkənin bütün siyasi partiyalarının güclü həmrəy mövqedən çıxış etməsi olub.

DAHA GENİŞ MUXTARİYYAT VƏDİ

Hakimiyyətdə olan mühafizəkarlar və liberal-demokratlar, habelə müxalif leyboristlər yaxın gələcəkdə Şoptlandiyaya daha geniş muxtariyyət vəd ediblər.

Bu da qeyd olunmalıdır ki, müstəqillik əleyhinə ən çox səs Şotlandiyanın BP-nin baş qərargahı yerləşən Aberdin də daxil olmaqla neft sənayesinin cəmləşdiyi regionlarda qeydə alınıb.

Referendum ərəfəsində BP başda olmaqla, bir çox iqtisadiyyat nəhəngləri Şotlandiya müstəqil olarsa, əyaləti tərk edəcəklərini bildirmişdilər.

Bu da qeyd olunmalıdır ki, referendum öncəsi verilən rəy sorğularının nəticələri az qala dəqiq nisbətdə doğrulub.

Başqa bir əhəmiyyətli fakt budur ki, Şotlandiya referendumu səs verənlərin sayına görə müharibədən sonrakı dövrdə Britaniya üçün rekord olub.

Referendumda elektoratın 87 faizindən çoxu iştirak edib.

Günün bütün mövzuları

XS
SM
MD
LG