Keçid linkləri

2024, 29 Mart, Cümə, Bakı vaxtı 00:51

Şəhriyarın xatirəsinə həsr olunmuş anım tədbiri keçirilib


Seyid Məhəmmədhüseyn Şəhriyar
Seyid Məhəmmədhüseyn Şəhriyar

-

Sentyabrın 17-də AMEA-nın Əsas binasında Seyid Məhəmmədhüseyn Şəhriyarın xatirəsinə həsr olunmuş «Söz mülkünün Şəhriyarı» adlı tədbir keçirilib.

AMEA-nın yaydığı xəbərə görə, akademik Z.Bünyadov adına Şərqşünaslıq İnstitutu, AMEA Nizami adına Ədəbiyyat İnstitutu, İran İslam Respublikasının Azərbaycan Respublikasındakı səfirliyinin Mədəniyyət Mərkəzi və Xəzər Universitetinin təşkilatçılığı ilə keçirilən xatirə günündə Azərbaycan alimləri ilə yanaşı, iranlı şəhriyarşünaslar, İraq, Qırğızıstan və Tacikistanın Azərbaycandakı səfirliklərinin nümayəndələri də iştirak ediblər.

Öncə şairin xatirəsi bir dəqiqəlik sükutla yad olunub. Sonra çıxışlar başlayıb.

İran İslam Respublikasının Azərbaycandakı səfiri Möhsün Pak Ayin tədbirin təşkilatçılarına təşəkkürünü bildirib və tədbirin iki dövlət arasında münasibətlərin nümunəsi olduğunu vurğulayıb.

Sonda Seyid Məhəmmədhüseyn Şəhriyara həsr olunmuş filmlər nümayiş olunub və Əməkdar artist Sahib Paşazadənin rəhbərlik etdiyi muğam üçlüyünün ifası dinlənilib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG