Brüsseldəki Yəhudi Muzeyi 4 nəfərin muzeydə öldürülməsindən 4 ay sonra - sentyabrın 14-də qapılarını yenidən açdı.
Muzeyin yenidən açılışı Belçikanın baş naziri Elio Di Ruponin qatıldığı təntənəli mərasimlə qeyd edildi.
Muzey bu ilin mayın 24-dən qapadılmışdı. Həmin gün naməlum şəxs "Kalaşnikov" avtomatından atəş açaraq muzeydə yəhudi cütlüyü, bir belçikalı kişini və bir fransız qadını öldürmüşdü.
Fransız vətəndaşı olan, 2013-cü ildə Suriyada islamçı üsyançıların tərəfində vuruşmuş Mehdi Nemmouche hadisədə şübhəli bilinib.