Keçid linkləri

2024, 28 Mart, Cümə axşamı, Bakı vaxtı 15:04

«Erməni soyqırımı»nı danmaq Yunanıstanda cinayət hesab olundu


Foto: Arxiv
Foto: Arxiv

-

Yunanıstan parlamenti “erməni soyqırımı”nı danmağı cinayət hesab edən qanunu qəbul etdi. Bunu asbarez.com Afinadan verdiyi məlumatında yazır.

Yunanıstan belə bir qanunu qəbul etmiş 3-cü Avropa ölkəsi oldu. Bundan əvvəl oxşar qanunu İsveçrə və Slovakiya qəbul edib.

Sentyabrın 9-da qəbul olunan qanun “Ksenofobiya ilə mübarizə” adlanır.

Bu qanunu təklif edənlər bildirirlər ki, nəinki yəhudilərin, həm də ermənilərin və Pont yunanlarının soyqırımını danmaq cinayətdir.

Greekreporter.com yazır ki, bu yeni qanuna görə "Yunanıstan parlamentinin və beynəlxalq məhkəmələrin tanıdığı soyqırımları və insanlıq əleyhinə cinayətləri danmağa görə ağır cərimələr və həbs nəzərdə tutulur".

"Erməni soyqırımı" Yunanıstan parlamentinin tanıdığı soyqırımlar arasındadır. Parlament bunu 1999-cu ildə tanıyıb.

Beləliklə, bundan sonra ictimai yerdə bu soyqırımları dananları ağır cərimələr gözləyir və onlar hətta həbsxanaya düşə bilər.

Yunanıstan parlamentində yeni qanunun lehinə 54, əleyhinə 42 deputat səs verib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG