Ukrayna prezidenti Poroshenko deyib ki, sentyabrın 5-də Minskdə Ukrayna üzrə Kontakt qrupunun toplantısı nəzərdə tutulduğu kimi getsə, sentyabrın 5-də atəşkəs elan edəcək.
Poroshenko Uelsdə NATO sammiti tədbirlərində deyib ki, “Yerli vaxtla saat 14:00-da mən Baş qərargaha atəşkəs elan etmək əmri verəcəyəm. Ümid edirəm ki, sülh planı sabah başlanacaq”.
O deyib ki, Minskdə sülh planını tədrici reallaşdıran sənəd imzalanmalıdır.
Separatçıların liderləri də bildirirlər ki, Minskdə razılaşma əldə olunsa, sentyabrın 5-də onlar da atəşkəs elan edəcəklər.