-
Azərbaycan öz iqtisadiyyatının rəqabət qabiliyyətinə görə, 144 ölkə arasında 38-ci yerdədir. Bir il qabaq Azərbaycan 39-cu yeri tuturdu.
Dünya İqtisadi Forumu Qlobal Rəqabətlilik Hesabatını yayıb.
Bu hesabat hər bir ölkədə iqtisadiyyatın rəqabət qabiliyyətini və əhalinin rifahını müəyyən edən amillərin qiymətləndiriıməsi əsasında hazırlanır.
Həmin 12 amil bunlardır: qurumlar, infrastruktur, makroiqtisadi mühit, səhiyyə və icbari təhsil, ali təhsil və təhsil səviyyəsinin artırılması, mal bazarlarının səmərəsi, əmək bazarının səmərəsi, maliyyə bazarları, texnoloji hazırlıq, bazarın böyüklüyü, innovasiyalar, biznes infrastrukturu.
6-cə ildir ki, bu siyahıya İsveçrə başçılıq edir. Sinqapur 2-cidir. ABŞ son iki ildə vəziyyətini düzəldərək, indi 3-cü yerə çıxıb. Finlyandiya 4-cü, Almaniya 5-cidir.
Azərbaycan bu il Çexiya ilə eyni qiyməti alıb. Siyahlıda onlardan yuxarı olanlar Portuqaliya (36-cı yer) , İspaniyadır (35-ci yer).
Azərbaycandan sonrakı yerlərdə Mavritaniya, Küveyt gəlir.
Qazaxıstan, Rusiya, Gürcüstan, Ermənistan Azərbaycandan aşağı yerləri tutub.
Gürcüstan 69-cu, Ermənistan 85-cidir.