Keçid linkləri

logo-print
2016, 04 Dekabr, bazar, Bakı vaxtı 22:53

Ukrayna böhranı (3-6 sentyabr)

Ukraynanın şərqindəki müharibə yeni fazaya daxil olur. 3 ay əvvəl separatçılar Ukrayna ordusuna qarşı Sovet dövründən qalma köhnə silahlarla döyüşürdülərsə, indi artıq onların əlində müasir silahlar və hərbi texnika var.


ƏVVƏLKİ GÜNLƏRİN XRONİKASINI BURADA OXU

UKRAYNA HAQDA BÜTÜN XƏBƏRLƏRİ BURADA OXU

Donbass mühasribəsində təşəbbüs Ukrayna silahlı qüvvələrinə qarşı döyüşən Rusiyameylli yaraqlıların əlinə keçib. İlovaysk ətrafında Ukraynalılara sarsıdıcı zərbələr vurandan sonra onlar uğurlarını bərkitmək üçün digər istiqamətlərdə də hücuma keçiblər. Luqansk aeroportu separatçıların əlində keçib. Donetsk aeroportu uğrunda gedən döyüşlərin nəticəsi haqda ziddiyyətli məlumatlar gəlir. Reuters həmin ərazidə tərk edilmiş Ukrayna mövqelərinin görüntülərni yaysa da, Kiyev aeroportun hələ də Ukrayna ordusunun əlində olduğunu iddia edir.

Eyni zamanda Rusiya və Ukrayna prezidentləri Donbassda atəşkəsin əldə olunması üzrə danışıblar. Separatçıların düşərgəsindən bu danışıqlara münasibətdə çalışırlar qeyd etsinlər ki, münaqişənin içtirakçıları Kiyev və Moskva deyil, Kiyev və Donetsk-Luqansk-dır.

Ukrayna tərəfi separatçıların tərəfində nizami Rusiya qoşunlarının döyüşdüyünü bəyan edərək, Donbassda baş verənlərin artıq "antiterror" əməliyyatı deyil, Rusiya ilə müharibə olduğunu bildirir. Moskva bu ittihamları rədd edir.

Diqqət. Ukrayna hadisələrini daim yenilənən canlı bloqda izlə. «Davamı» düyməsini sıxmaqla bloqu vərəqləmək olar.

15:00 7.9.2014
19:00 6.9.2014
16:45 6.9.2014

Tərəflər bir-birlərini atəşkəsi pozmaqda günahlandırır

Ukraynada rusiyapərəst qüvvələr ötən gün imzalanmış atəşkəsin şərtlərini yerinə yetirmirlər, hökumət ordusunun mövqelərinə və blokpostlarına hücumlar davam edir.

Bu haqda öz «facebook» səhifəsində Hərbi-Siyasi Araşdırmalar Mərkəzinin rəhbəri Dmitry Tymchuk yazıb:

«Dünən saat 18:00-dan indiyədək Donetsk aeroportu ərazisində Ukrayna hərbçilərinin mövqelərinə bir neçə hücum cəhdi olub. Separatçılar qumbaraatan və odsaçan sistemlərdən istifadə ediblər. Həmçinin, Popasnaya, Krasnoqorovka, Zolotoye və Novotrotskoye məntəqələrinin yerləşdiyi rayonda Ukrayna qüvvələrinin mövqeləri atəşə tutulub».

Dmitry Tymchuk-un dediyinə görə, Ukrayna qoşunları atəşkəs rejiminə tam əməl edirlər və yalnız mövqelərinə hücum olanda, cavab atəşi açırlar.

«Tam atəşkəs haqqında danışmaq hələ tezdir»

«Ukrayna tərəfi atəşin dayandırılması haqqında sazişi pozur. Amvrosiyevka şənbə günü iki dəfə atəşə tutulub. Atəşin tam dayandırılması barədə danışmaq hələ tezdir».

Bunu «Donetsk Xalq Respublikası»nın baş naziri Alexander Zakharchenko bəyan edib.

Atəşkəs rejimi sentyabrın 5-i Bakı vaxtilə saat 20:00-da qüvvəyə minib. Bu haqda razılaşma Ukrayna böhranının həlli üzrə kontakt qrupunun Minskdə keçirilən növbəti görüşündə əldə olunub.

03:39 6.9.2014

UMID VƏ ŞÜBHƏLƏRLƏ DOLU UKRAYNA ATƏŞKƏSİ


Ukraynda atəşkəs razılaşması ilk növbədə insan tələfatı zəncirinin qırılması deməkdir. Sentyabrın 5-də Ukrayna vaxtilə saat 18-da qüvvəyə minən razılaşmadan sonra nələr baş verib? Donetskdən gələn xəbərlərə inansaq, şəhərdə bu axşamkı kimi sakitlik uzun müddət idi ki, müşahidə olunmurdu. Daimi artilleriya dueli səhnəsinə çevrilən bu 1 milyonluq şəhərdə bəzi evlərin su təhcizatının da bərpa olunduğu deyilir.

Mariupoldakı Ukrayna hərbçilərin bəziləri atəşkəsə şübhə ilə yanaşırlar: onun işə düşməsindən dəqiqələr əvvəl şəhər ətrafındakı Ukrayna mövqeləri güclü atəşə tutulub. Onlar əmindirlər ki, Novoazovsku ələ keçirən Rusiya və Rusiyameylli hərbçilər onların mövqelərini müəyyənləşdirmək istəyirlər ki, ora raket zərbələri vursunlar.

Ukrayna mediasında işıq sürətilə sabiq Gürcüstan prezidenti Saakashvilinin fikirləri yayılır: Rusiya imzaladığı hər bir atəşkəs razılaşmasından sonra Gürcüstanın ərazisini zəbt edib. Saakashvilinin hələ aprel ayında yazdığı Rusiya ilə razılaşmaya bədbin baxanların əsas arqumentlərindən biridir. İkinci yerdə, Rusiya ilə Ukrayna arasında Krımla bağlı olan razılaşmanın acı aqibətini xatırlayanlardır, yazırlar ki, Rusiya verdiyi vədlərə əməl edən dövlətlərdən deyil.

Rusiya xarici işlər naziri Qərb dövlətlərini Ukraynadakı "neofaşist" hakimiyyətini dəstəkləməkdə günahlandırır. Rusiya təhlüksəzilik qüvvələri də diplomatlar kimi əlləri-əlləri üstə oturmurlar - Estoniyadan sərhədçi zabiti oğurlayıb, onu casusluqda ittiham edirlər. NATO-nun Estoniyanı müdafiə etmək vədindən dərhal sonraya təsadüf edən bu hadisədə "Hibrid müharibənin" yayılması təhlükəsini görənlər az deyil.

BBC-nin müxbiri isə twitterində (bax yuxarıdakı fotoya) yazır ki, ona Novorossiyadan e-mail göndəriblər ki, 2-ci gün "Ukrayna atəşkəsi niyə pozur" mövzusunda mətbuat-konfrasına dəvət ediblər.

AzadlıqRadiosu sentyabrın 6-da hadisələri yaxından izləyəcək. Ukrayna ilə maraqlanırsansa bizim bloqu izləməyi unutma.

Davamı

Şərhləri göstər

XS
SM
MD
LG