Keçid linkləri

2024, 29 Mart, Cümə, Bakı vaxtı 01:03

Ukrayna Rusiyanı ərazisinə hərbi müdaxilədə ittiham edir


-

Ukrayna Rusiyanı ərazisinə hərbi müdaxilədə ittiham edir. Daxili işlər nazirinin müşaviri Zoryan Shkiryak deyib ki, müdaxilə bir neçə istiqamətdə gedir. Rusiya bununla hökumət qüvvələrini səpələmək və Donbassda yaşayış məntəqələrini nəzarətə almağa çalışır.

Medianın məlumatına görə, separatçılar Novoazovsk limanını nəzarətə götürüb Mariupol tərəfə gedirlər. New York Times qəzetinin əməkdaşı Andrew Kramer xəbər verir ki, Rusiya tərəfdən Ukraynana tanklar, artilleriya və piyadalar keçib, «onlar Ukrayna hərbçilərinə hücum edir, çaxnaşma yaradır və tammiqyaslı hücuma keçirlər».

NOVOAZOVSKU RUSLAR TUTUB

Novoazovsk rus hərbçiləri tərəfindən tutulub, tanklarla mühasirəyə alınıb. Sakinlərin şəhərdən çıxması yasaqlanıb, bunu «5-ci kanal»ın efirində «Dnepr-1» batalyonunun 5-ci rotasının komandiri Vladimir Shilov deyib.

Novoazovskun meri də şəhərdə separatçıların görünməsini təsdiqləyib. «Kommersant» qəzeti yazır ki, Ukrayna ordusu şəhəri hələ avqustun 26-da tərk etməyə başlayıb. Həmin gün şəhərin şimal və qərb ətraflı atəşə məruz qalıb. Bundan sonra Ukrayna qüvvələri Mariupol tərəf keçiblər. Frans Press də ordunun geri çəkilməsindən yazır. Ancaq ordu təmsilçiləri təkid edirlər ki, şəhər əvvəlki kimi nəzarətdədir.

DONETSK VƏ LUQANSKDA DÖYÜŞLƏR GEDİR

Novoazovsk Rusiya ilə sərhədin 15 kilometrliyində, Mariupoldan 44 km şərqdədir. Ukrayna ordusu iyunda Mariupolu nəzarətə götürüb.

Hazırda Donetsk vilayətinin İlovaysk şəhəri yaxınlığında və Luqanskda ağır döyüşlər gedir. Ordu eyni zamanda separatçıların mərkəzinə çevrilmiş Donetski mühasirəyə almağa çalışır.

Ukrayna Rusiya qüvvələrinin separatçıların hücumlarını dəstəklədiyini bildirir. Moskva isə yaraqlıları silahlandırdığını, Ukraynaya əsgər göndərməsini danır.

UKRAYNAYA GİRDİYİNƏ GÖRƏ RUSİYAYA TƏZYİQ ARTIR

Qərb Moskvaya təzyiqi artırır ki, ABŞ rəsmilərinin «birbaşa müdaxilə» adlandırdığı, Rusiya ordusunun Ukraynanın şərqinə girməsini izah etsin.

Avqustun 28-də yazdığı tvitdə, ABŞ-ın Ukraynada səfiri Geoffrey Pyatt (@geoffpyatt) deyib ki, «getdikcə daha çox rus əsgəri birbaşa Ukrayna ərazisinə döyüşməyə gəlir».

Onun sözlərinə görə, Rusiyanın təchiz etdiyi tanklar, zirehli texnika, artilleriya «Ukrayna silahlı qüvvələrini məğlub etməyə yetməyib».

Almaniya, Rusiya ordusunun Ukraynanın cənub-şərqinə müdaxiləsinə dair məlumatlara görə Moskvadan izahat istəyib. Almaniya kansleri Angela Merkel avqustun 27-də Rusiya prezidenti Vladimir Putinə telefonla zəng edib. Kansler deyib ki, bu məlumatlar «izah olunmalıdır». O, Rusiyanın «gərginliyin azaldılması üçün böyük məsuliyyət» daşıdığını vurğulayıb.

ABŞ Dövlət Departamenti bildirib ki, Donetsk və Luqansk regionlarında Ukraynanın hökumət qüvvələrinə qarşı «Rusiyanın rəhbərliyi ilə əks-əməliyyatın» başlandığından şübhələnir.

Öncə Kiyev elan edib ki, Rusiya sərhədindən 10 km aralıya, Azov dənizi sahilindəki Novoazovsk şəhərinə yeni birləşmələr göndərir. Şəhərin meri deyib ki, rusiyayönlü yaraqlılar onlarla zirehli texnikanın köməyi ilə şəhərə girir.

Ukrayna Rusiya qüvvələrinin separatçıların hücumlarını dəstəklədiyini bildirir. Moskva isə yaraqlıları silahlandırdığını, Ukraynaya əsgər göndərməsini danır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG