-
Çex hökuməti İraqın şimalında İslam Dövləti (İD) qruplaşmasına qarşı vuruşan kürd qüvvələrinə sursat ayrılmasını təsdiqləyib. Hökumət sözçüsü avqustun 27-də bildirib ki, kürdlərə Kalashnikov avtomatı və pulemyotlar üçün sursat, eləcə də əl qumbarası göndəriləcək. Təxminən 2 milyon dollar dəyərində olan sursat İraqa ABŞ qüvvələri vasitəsilə çatdırılacaq.
Almaniyanın xarici işlər naziri Frank-Walter Steinmeier deyib ki, Berlin İD yaraqlılarına qarşı vuruşan qüvvələrə yardım barədə avqustun 31-də qərar verəcək.
İD Al-Qaidənin törəmə qrupudur, İraq və Suriyada böyük ərazilər tutub.
ABŞ-ın müdafiə naziri Chuck Hagel bildirib ki, Britaniya, Fransa, Almaniya, İtaliya, Xorvatiya. Kanada və Albaniya peşmərgə qüvvələrinə «silah və avadanlıq» göndərmək öhdəliyi götürüb.