ABŞ İlqar Nəsibovun döyülməsini pisləyir

-

Birləşmiş Ştatlar Naxçıvanda jurnalist və insan haqları fəalı İlqar Nəsibovun döyülməsini pisləyib.

Avqustun 27-də yayılmış bəyanatda ABŞ Dövlət Departamenti hadisəyə görə məsuliyyət daşıyanların cəzalandırılması istəyib.

Departament Azərbaycan hökumətini ifadə, sərbəst toplaşma və birləşmə azadlıqlarının qorunması üçün «dərhal addımlar» atmağa çağırır.

Hüquq müdafiəçisi İlqar Nəsibov avqustun 21-i axşam saatlarında döyülüb. Aldığı zərbələrdən huşunu itirən Nəsibovu hadisə yerinə çağırılan polislər və həyat yoldaşı xəstəxanaya çatdırıb. Naxçıvan hüquq-mühafizə orqanlarından zərərçəkənə verilən məlumata görə, hadisədə əli olanlardan biri Fərid Əsgərov saxlanılıb.

İlqar Nəsibovla həyat yoldaşı Məlahət Nəsibova Naxçıvanda fəaliyyət göstərən Demokratiya və QHT-lərin İnkişaf Resurs Mərkəzinin həmtəsisçisidir.