-
"Pulun diktaturası". İqtisadçı Şamil Qafarovun yeni kitabı belə adlanır.
Kitabda dünyada bütün müharibələrin, toqquşmaların səbəbi olan, həm də insanlara zənginlik gətirən və onlara sanki "qürurluq" verən, insan olmayanı "insan" edən, maddi dünya adlanan bir dünyanı formalaşdıran pulun təhlili verilir.
Bu barədə Bakı Kitab Klubu məlumat yayıb.
Kitabda bu suallar da cavablandırılır: pul - siyasətdirmi, iqtisadiyyatdırmı, vəzifədirmi, ailədirmi, məhəbbətdirmi, mənəviyyatdırmı, dostluqdurmu, yoldaşdırmı, namusdurmu, qeyrətdirmi, ədalətdirmi, həqiqətdirmi...?
Rüşvət və korrupsiya pulun "yeni" funksiyasıdırmı? Bazar iqtisadiyyatı pul iqtisadiyyatıdırmı? Pul yaşadığımız cəmiyyətdə bütün hadisə və proseslərdə diktatordurmu? Bir sözlə - pul bütün münasibətlərin əsasıdırmı?
550 səhifəlik kitabın qiyməti 30 manatdır.
