Avqustun 9-da Soçidə Rusiya və Ermənistan prezidentlərinin görüşü olub.
İnterfaks agentliyinin məlumatına görə, Ermənistan prezidenti Serj Sarkisian Vladimir Putinə deyib ki, Azərbaycan-Ermənistan münaqişəsini Azərbaycan bilərəkdən qızışdırır.
Sarkisian Putinə deyib: “Mən bizim regiondakı vəziyyət və Azərbaycan-Ermənistan sərhəddində vəziyyəti Azərbaycanın qızışdırmasının səbəbləri haqda sizə geniş məlumat verəcəyəm”.
(Qeyd edək ki, son günlər Dağlıq Qarabağda və Azərbaycan-Ermənistan sərhəddində döyüşlərin qızışmasında Azərbaycn və Ermənistan bir-birlərini ittiham edir – Azadlıq Radiosu).
Avqustun 10-da Soçidə Azərbaycan, Ermənistan və Rusiya prezidentlərinin görüşü gözlənilir.