-
Atəşkəsin pozulması nəticəsində Ağstafa rayonunun Ermənistanla sərhəddə yerləşən Köhnə Qışlaq kəndinin sakini, 10-cu sinif şagirdi Kamran Tağıyev yaralanıb.
Rayon polisindən apa verilən məlumata görə, məktəbli Ermənistan hərbçilərinin açdığı atəş nəticəsində yaralanıb.
Yaralı xəstəxanaya yerləşdirilib.
Bundan əvvəl avqustun 5-də Ağstafa rayonunun Köhnə Qışlaq kənd sakini 10 yaşlı Qoşqar Abbasov boynunun arxasından qəlpə yarası almışdı.
Azərbaycan Müdafiə Nazirliyinin yaydığı məlumata görə, Azərbaycan-Ermənistan sərhədi və təmas xətti boyunca sutka ərzində atəşkəs rejimi 97 dəfə pozulub.