-
Avqustun 8-də Müdafiə naziri Zakir Həsənov Silahlı Qüvvələrin Baş Klinik Hospitalında müalicə alan yaralı əsgərlərə baş çəkib.
Bu barədə nazirliyin internet səhifəsində məlumat verilib.
Məlumatlarda deyilir ki, həmin əsgərlər ötən həftə cəbhə bölgəsində Ermənistan kəşfiyyat-təxribat qruplarının hücum cəhdinin qarşısının alınması zamanı yaralanıblar.
Müdafiə nazirinə məlumat verilib ki, hazırda yaralılar intensiv müalicə alır və onların həyatı üçün təhlükə yoxdur.