-
Qəzetin redaktoru Rövşən Hacıyevin AzadlıqRadiosuna bildirdiyinə görə, «Azərbaycan» nəşriyyatına olan borcun bir hissəsini ödəyə biliblər:
«Qəzet sabahdan satışda olacaq. Nəşriyyata olan borcumuzun 7 min manatını ödədik. Avqustun 15-nə kimi vaxt veriblər ki, borcun bir hissəsini də ödəyək. Çalışacağıq ki, bu müddətdə borcun bir qismini də ödəyək ki, qəzetin çapı dayanmasın».
«Azərbaycan» nəşriyyatı 21 min manat borcu olduğuna görə iyulun 31-də «Azadlıq» qəzetinin çapından imtina etmişdi. Həmin vaxtdan qəzet fəaliyyətini dayandırmışdı.