Keçid linkləri

logo-print
2016, 05 Dekabr, Bazar ertəsi, Bakı vaxtı 12:56

Hacı Məmmədovla Fərhad Əliyev üzləşdirilib


Hacı Məmmədov və Fərhad Əliyev sentyabrın 22-də üzləşdirilib

Hacı Məmmədov və Fərhad Əliyev sentyabrın 22-də üzləşdirilib

İstintaq orqanı keçmiş İqtisadi İnkişaf naziri Fərhad Əliyevlə DİN-in keçmiş əməliyyat müvəkkili Hacı Məmmədovun üzləşməsiylə bağlı məlumat verməmək haqda vəkillərdən iltizam alıb.

Fərhad Əliyevin vəkili Adil İsmayılov üzləşmənin necə keçməsi haqqında məlumat verməsə də, bildirdi ki, üzləşmə nəticəsində o, Hacı Məmmədovun dediklərinin doğru olmadığı qənaətinə gəlib:


«Üzləşməylə bağlı bizdən iltizam aldılar, istintaq sirri olduğundan, bu haqda danışmaq istəmirəm. Ancaq mənim qənaətim bu oldu ki, Hacı Məmmədovun dedikləri başdan-ayağa yalandır».


Hacı Məmmədovun vəkili Səməd Əliyev də üzləşməylə bağlı danışmaq istəmədi.


Hacı Məmmədov və Fərhad Əliyev «Monitor» jurnalının baş redaktoru Elmar Hüseynovun qətliylə bağlı sentyabrın 22-də üzləşdirilib. Üzləşmə 5 saat çəkib, axşam saatlarınadək davam edib.


Hacı Məmmədov iyulun 25-də məhkəmədə verdiyi ifadədə Elmar Hüseynovun onun rəhbərlik etdiyi dəstə tərəfindən Fərhad Əliyevin sifarişi ilə qətlə yetirildiyini bildirib. Sabiq nazir isə bu ittihamın absurd olduğu barədə bəyanat verib.


Hacı Məmmədov və onun rəhbərik etdiyi dəstənin məhkəmə prosesi sentyabrın 25-də davam edəcək.


Günün bütün mövzuları

XS
SM
MD
LG