Polis aksiyanın Bakı Şəhər İcra Hakimiyyəti ilə razılaşdırılmadığını əsas gətirərək, piketçiləri səfirliyin binasına yaxınlaşmağa qoymadı. Nəticədə aksiyaçılar bəyanatlarını bir qədər aralıda oxumalı oldular. Sənəddə İranda Azərbaycan dilində məktəblərin açılması və digər tələblər öz əksini tapır. AMİP Abşeron rayon təşkilatının sədri Təbriz Musayev: «Sabah İranda yeni tədris ili başlayır. Biz tələb edirik ki, İranda Azərbaycan dilində məktəblər açılsın. Xalq hərəkatında tutulanlar azadlığa buraxılsınlar. Oradakı azərbaycanlıların hüquqlarının pozulmasına son qoyulsun».
AMİP Mətbuat Xidmətinin rəhbəri Əli Orucov deyir ki, polis 13 fəalı saxlasa da, bir müddət sonra onlardan izahat alaraq buraxıb. Yalnız bir nəfər – partiyanın Nərimanov rayon təşkilatının sədri Ələddidn Əsgərov Səbail Rayon Məhkəməsinin qərarı ilə 22 manat məbləğində cərimə edilib.
Milli istiqlalçılar bu cür etiraz aksiyalarını davam etdirəcəklərni bildirirlər.