ABŞ-ın Avropa Komandanlığının yeni komandan müavini, general Uilyam Uord sentyabrın 20-də ikigünlük səfərlə Bakıya gəlib. ABŞ-ın Bakıdakı səfirliyinin ictimaiyyətlə əlaqələr üzrə ataşesi Conatan Henikin «Azadlıq» radiosuna verdiyi məlumata görə, bu, cənab Uordun Azərbaycana ilk tanışlıq səfəridir. Sentyabrın 20-də Uilyam Uord prezident İlham Əliyevlə də görüşüb.
İki günlük səfər çərçivəsində amerikalı general Müdafiə və Xarici İşlər nazirlərilə də görüşəcək. Amerika-Azərbaycan və NATO-Azərbaycan münasibətləri müzakirə mövzusudur. General Uord Bakıya gəlməzdən əvvəl Tbilisidə olub.