Keçid linkləri

2024, 29 Mart, Cümə, Bakı vaxtı 11:18

Yol polisi üçün 200-ə yaxın «BMW» gətirilib


Yeni avtomobilləri «BMW»nin Azərbaycandakı rəsmi distrübüteri «İmprotex Motors» Şirkəti gətirib
Yeni avtomobilləri «BMW»nin Azərbaycandakı rəsmi distrübüteri «İmprotex Motors» Şirkəti gətirib

Dövlət Yol Polisi (DYP) üçün Almaniyadan 200-ə yaxın 3-cü model yeni «BMW» markalı avtomobil gətirilib. DYP-nin şöbə müdiri Ərəstun Məcidovun «Azadlıq» radiosuna verdiyi məlumata görə, bu maşınlar ölkə prezidentinin göstərişilə alınıb. Onların hansı rayonlara və nə vaxt paylanacağı hələlik məlum deyil.


DYP maşınların neçəyə başa gəldiyi barədə məlumat verməsə də, bəzi təsdiqlənməmiş məlumatlara görə, «BMW»lərin biri 36 min avroya alınıb.


Yeni avtomobilləri «BMW»nin Azərbaycandakı rəsmi distrübüteri «İmprotex Motors» Şirkəti gətirib. Avtomobillərin xüsusi avadanlıqlarla təchiz olunduğunu bildirən şirkət nümayəndəsi qiymətlərlə bağlı yayılan məlumatların şişirdildiyini deyir. DYP-dən verilən məlumata görə, hazırda idarənin parkında saxlanan maşınlar yaxın vaxtlarda Daxili İşlər nazirinin iştirakı ilə ayrı-ayrı şöbələrə paylanacaq.


Bir il əvvəl də yol polisinə təxminən eyni miqdarda Almaniya istehsalı olan «Volkswagen Passat» markalı avtomobillər gətirilmişdi.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG