Keçid linkləri

logo-print
2016, 04 Dekabr, bazar, Bakı vaxtı 16:45

«İran» qəzetinin yenidən açılmasına qərar verildi


Təbrizdə «İran» qəzetindəki karikaturaya qarşı etiraz aksiyası, mat 2006

Təbrizdə «İran» qəzetindəki karikaturaya qarşı etiraz aksiyası, mat 2006

Sentyabrın 9-da yayılan rəsmi xəbərlərə əsasən, İran məhkəməsi dövlət orqanı sayılan «İran» qəzetinin yenidən fəaliyyətə başlamasına hökm verib.

«İran» qəzeti mayın 12-də azərbaycanlıları təhqir edən karikatura dərc etməklə İran Azərbaycanının bütün şəhərlərində kütləvi etiraz aksiyalarına səbəb olmuşdu. Günlərlə davam edən bu aksiyalar bir çox insanın ölümü və yüzlərlə fəalın tutulması ilə nəticələnib.


Bu aksiyalardan bir həftə sonra – mayın 23-də Mətbuata Nəzarət Komissiyası növbədənkənar iclas keçirərək «İran» qəzetinin müvəqqəti bağlanması və bu haqda cinayət işi qaldırılmasına qərar verib.


Avqustun 12-də Tehranın cəza məhkəməsi qəzetin məsul katibi Qulamhüseyn İslamifərə qarşı bütün ittihamları əsassız sayaraq, onu məsuliyyətdən azad edib.


Karikatura qalmaqalının ən əsas səbəbkarları – karikaturanın rəssamı Mana Nistani və «İran» qəzetinin baş redaktoru Mehrdad Qasımfərin məhkəməsi qabaqcadan sentyabrın 7-nə təyin edilsə də, indiyədək baş tutmayıb. Səbəblər barədə məlumat verilmir.


Günün bütün mövzuları

XS
SM
MD
LG