Avqustun 31-də keçirilən hazırlıq iclasında Apellyasiya Məhkəməsi «Yeni Fikir» Gənclər Təşkilatının fəallarının apellyasiya şikayəti üzrə əsas məhkəmə prosesini sentyabrın 13-ə təyin etdi. Bu təşkilatın sədri Ruslan Bəşirli, sədr müavini Ramin Tağıyev və Səid Nuri dövlət çevrilişinə cəhd ittihamı ilə iki ay əvvəl 3 ildən 7 ilə qədər azadlıqdan məhrum ediliblər. Onlar isə Ağır Cinayətlərə Dair İşlər üzrə Məhkəmənin bu hökmü ilə razılaşmayaraq bəraət və 500 min avro təzminat tələbilə apellyasiya məhkəməsinə müraciət ediblər.