Keçid linkləri

2016, 09 Dekabr, Cümə, Bakı vaxtı 13:57

BMT Azərbaycanla «böyük qayıdış» planını müzakirə edir


«Böyük qayıdış» planını reallaşdırmaq üçün 50-60 milyard dollar tələb olunur

«Böyük qayıdış» planını reallaşdırmaq üçün 50-60 milyard dollar tələb olunur

«Qaçqınların öz yurdlarına qayıtmasına rəhbərlik və aparıcı rol hökumətə məxsusdur. Amma BMT-nin Qaçqınlar üzrə Ali Komissarlığı da Azərbaycan hökumətinə bu yöndə hər cür dəstək verməyə hazırdır». Bunu Azərbaycanda səfərdə olan BMT-nin qaçqınlar üzrə ali komissarı Antonio Quterreş söylədi: «Böyük qayıdış planı ilə bağlı BMT Azərbaycan hökuməti ilə müzakirələr aparır. Amma bu qayıdışın uğurlu olması üçün mühüm amil siyasi amildir. Biz bu prosesə müdaxilə edə bilmirik, amma ümidvaram ki, həll variantı tezliklə tapılacaq».


Qaçqınlar və Məcburi Köçkünlərlə iş üzrə Dövlət Komitəsinin sədri Əli Həsənov isə böyük qayıdış planını hökumətin təkbaşına yox, beynəlxalq qurumlarla birgə reallaşdıracağını deyir. Onun sözlərinə görə, bu plan üçün 50-60 milyard dollar tələb olunur. Buna görə də həmin plan beynəlxalq qurumların dəstəyilə müzakirə olunur.


Cənab Quterreş isə hesab edir ki, Azərbaycandakı qaçqınlara təmsil etdiyi qurumun yardımı cüzi xarakter daşıyır. Çünki bu sahədə ən böyük işləri hökumət görür. Cənab Quterreşin bölgəyə bu dəfəki səfəri tanışlıq xarakteri daşıyır. O Azərbaycandan Gürcüstana və daha sonra Ermənistana gedəcək.


Günün bütün mövzuları

XS
SM
MD
LG