Beynəlxalq Dəniz Limanının paytaxtın mərkəzindən şəhər kənarına köçürülməsi və əlavə olaraq Bakı yaxınlığında müasir gəmiqayırma müəssisəsinin tikilməsi layihəsinin müzakirəsi üçün Azərbaycana Cənubi Koreyadan nümayəndə heyəti gəlib. Nümayəndə heyəti Xəzər Dəniz Gəmiçiliyi İdarəsinin rəhbərliyi ilə müzakirələr aparıb və liman və tərsanənin tikilməsi üçün təklif olunan yerlərə baxıb. Limanın Zığ qəsəbəsinə köçürülməsi, tərsanənin isə Qaradağ rayonunda tikilməsi ilə bağlı ilkin niyyət var.