Azərbaycan Milli Bankı ipoteka kreditlərinin verilməsi qaydalarını sadələşdirib. Yeni qaydalara görə, ipoteka krediti götürmək istəyənlərin gəlirləri və öhdəlikləri ilə bağlı məhdudlaşdırıcı əmsallar aradan qaldırılıb, ipoteka krediti ilə götürülən və eyni zamanda, girov qoyulan əmlakın qiymətləndirilməsi prosesi sadələşdirilib. Bundan başqa, yeni tikilmiş binalarda ipoteka kreditləri hesabına mənzil alınması imkanlarını genişləndirəcək mənzil sertifikatlarına aid müddəalar da qəbul olunub.