Keçid linkləri

2024, 28 Mart, Cümə axşamı, Bakı vaxtı 19:37

Səni sevsəm, bütün işlərim qalacaq...


Məlihə Əzizpur
Məlihə Əzizpur

-

Arazın o tayından

MƏLİHƏ ƏZİZPUR

...

Süzdür gönlünün pətəklərini

Və mənə

Bal kimi bir ölüm ərmağan et

Ey yaşam! . . .

...

Ay;

Günəşin soyuq üzü . . .

...

Ah . . . Urmu Gölü!

Heç olmasa,

Sənə ölən quşlara xatir

Quruma . . .

...

Mən,

Qadının olacağam,

Sənsə, uşağım . . .

...

Ölüdən qorxduğum qədər,

Ölümdən qorxmuram . . .

...

Adamlar ölür,

SMS-ləri qalır . . .

...

Martılar;

Dəniz kəpənəkləri . . .

...

Özümdən qaçdım,

Sənə çatdım . . .

...

Deyirsən azadlıq yoxdur?!

Bəs, o eşşək necə anqırır?

...

Bahar;

Tanrıdan gələn

Bir sevgi mesajıdır yalnız ,

Daha heç nə . . .

...

Kəpənəyi,

Maşın basmışdı xiyavanda.

Bunu,

Nə ağıl çərçivəsinə sığdıra bilirəm

Nə şair . . .

...

Səni sevsəm,

Bütün işlərim qalacaq . . .

...

.

Nə şaqqaşaq səsidir?

Sümükmü sınır , ürəkmi?! . . .

...

Özümü aşmaq istəyirəm

Özümdən keçmək yox . . .

...

Sizi,

Yerə bağlayan dəndir.

Yoxsa, göylərə aidsiz

Quşlar ! . . .

...

Ölüm ötəridir.

Yaşamı düşün . . .

...

Bütün insanlar çılğındır.

Sadəcə

Bəziləri çılğınlığını gizlədir,

Bəziləri yox ! . . .

...

Yaşaya bilmədim səndə;

Vətən!

Gözlə məni ,

Ölməyə gələcəyəm sənə . . .

...

Qəlbimin içinə baxıram:

İlahi bir "heç" var.

...

Dünyanın ipi qırıqdır

Düyünlən mənə . . . ‎

...

Ulduzlar

Dəlik-deşik xəyallardır

Gecənin qaramsar bağrında . . .

...

Yubanmış sevdaya bənzəyir

Uzaqdan gələn qatar . . .

(Azərbaycan Yazıçılar Birliyinin "Cənubi Azərbaycan ədəbiyyatı" şöbəsinin dəstəyilə çap olunur)

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG