-
BMT-nin Baş Məclisi Paraqvayın təşəbbüsü ilə iyulun 30-nu Beynəlxalq Dostluq Günü elan edib.
Baş Məclis qurumun üzvü olan ölkələrə bu nəcib təşəbbüsü fəal təbliğ etməyi məsləhət görüb.
Xalqlar, ölkələr, mədəniyyətlər və ayrı-ayrı şəxslər arasında dostluğun sülhün təmin olunması uğrunda səylər göstərməyə ruhlandıra biləcəyini nəzərə alan Baş Məclis, iyulun 30-nu Beynəlxalq Dostluq Günü elan etməyi qərara alıb.
Məclis bu münasibətlə yekdilliklə qəbul etdiyi qətnamədə bütün dünya insanlarının ən nəcib və misilsiz hisslərinin təzahürü olan dostluğun aktuallığını və böyük əhəmiyyətini vurğulayıb.
Bakı şəhər Mədəniyyət və Turizm İdarəsi bu münasibətlə yaydığı xəbəri belə bitirib:
«Əgər həqiqi, sizə dəyər verən, sonsuz güvəndiyiniz biri varsa, onu heç vaxt buraxmayın».