İsrailə uçuşları dayandıran ABŞ-ın Delta Air Lines şirkəti bu qadağanın vaxtını uzadıb. Buna səbəb İsraillə Həmas arasında döyüşlərdir.
Delta Air Lines şirkətinin rəhbəri Richard Anderson iyulun 23-də deyib ki, “biz İran, İraq, Suriya, Ukrayna, Əfqanıstan, Şimali Koreya üzərindən də uçmağa icazə verməyəcəyik”.
ABŞ-ın Federal Aviasiya Administrasiyası FAA iyulun 22-də ABŞ-ın hava yolları şirkətlərinə 24 saat ərzində Tel Əvivin Ben Qurion hava limanına və ya bu limandan uçmağa qadağa qoydu.
Almaniyanın Lufthansa şirkəti də iyulun 23-də İsrailə uçuşları daha 24 saat dayandırmaq haqda qərar verib.
İyulun 23-də Polşanın dövlət şirkəti LOT da İsrailə uçuşları dayandırdı.