Keçid linkləri

2016, 09 Dekabr, Cümə, Bakı vaxtı 12:03

Silahlı separatçılar qəza yerinə girməyə imkan vermirlər


Ukraynanın şərqindəki Malayziya təyyarəsinin qəzaya uğradığı sahə

Ukraynanın şərqindəki Malayziya təyyarəsinin qəzaya uğradığı sahə

-

Ukraynanın şərqindəki silahlı separatçılar ikinci gündür beynəlxalq müfəttişləri Malayziya təyyarəsinin qəzaya uğradığı sahəyə buraxmırlar. İyulun 17-də vurulan təyyarədə 298 nəfər həlak olub.

ATƏT bildirib ki, müşahidəçilərə yalnız təyyarənin qalıqları olan sahənin bir hissəsinə girməyə icazə verilib. ATƏT-in Ukraynadakı xüsusi missiyasının rəhbəri Alexander Hug deyib ki, missiyanın qəza yerini «bir az artıq görməsinə» şərait yaradılıb.

İyulun 18-də separatçılar müfəttişlərin əraziyə daxil olmasını əngəlləyib.

ABŞ Dövlət katibi John Kerry Rusiyanın xarici işlər naziri Sergei Lavrova deyib ki, Vaşinqton bu maneəyə görə narahatdır.

Amsterdam-Kuala-Lumpur marşrutu ilə hərəkət edən, Malayziyaya məxsus «Boing-777» iyulun 17-də Ukraynanın şərqində, rusiyameylli separatçıların nəzarətində olan ərazidə qəzaya uğrayıb.

XS
SM
MD
LG