-
Əməkdar artist Azər Mirzəyev iyulun 19-u gecə saatlarında vəfat edib.
2006-cı ildən 2012-ci ilədək Akademik Milli Dram Teatrının direktor müavini olmuş aktyor səhhəti ilə bağlı bu vəzifədən getmişdi.
Azər Mirzəyev 2012-ci ilin iyunundan iflic xəstəliyindən əziyyət çəkirdi.
1952-ci ilin mayında Zərdab rayonunda anadan olan Azər Mirzəyev atasının işi ilə əlaqədar orta məktəbi Sabirabada bitirib. Onun bu rayonda da dəfn ediləcəyi bildirilir.
Azər Mirzəyev aktyorluq fəaliyyəti dövründə 10-a yaxın filmə çəkilib:
Nekroloq (film, 2001)
Qeybdən gələn səs (film, 2002)
Yaşıl eynəkli adam-3 (film, 2002)
Dəvətnamə (film, 2003)
Yol yoldaşları (film, 2003)
Mükafat (film, 2004)
Böyük ömrün davamı (film, 2007)
Mürafiə vəkillərinin hekayəti (film, 2011)
Sübhün səfiri (film, 2012)
