Keçid linkləri

logo-print
2016, 04 Dekabr, bazar, Bakı vaxtı 14:10

-

Şair, rəssam Adil Mirseyid iyulun 17-də vəfat edib. O, ağır xəstəlikdən əziyyət çəkirdi.

Baxışov Adil Mirseyid oğlu (Adil Mirseyid) 1952-ci il dekabrın 21-də Ağdaş şəhərində ziyalı ailəsində anadan olub. Orta məktəbi bitirdikdən sonra Əzim Əzimzadə adına Azərbaycan Dövlət Rəssamlıq Məktəbində təhsil alıb. Bir müddət təyinatla göndərildiyi Dağıstan Respublikasında işləyib. Sonra Bakıda müxtəlif vəzifələrdə çalışıb. Ağdaş Mədəniyyət Evinin Xalq Teatrında rəssam, Azərbaycanın Xarici Ölkələrlə Dostluq və Mədəni Əlaqələr Cəmiyyətində rəssam, Azərbaycan Tərcümə Mərkəzinin «Yol» ədəbiyyat qəzetində redaktor vəzifələrində çalışıb.

Keçən əsrin 70-ci illərinin axırlarından dövrü mətbuatda şeirlər çap etdirib. «Güzgüdəki adam», «Bulud Adam», «Nəğmə Adam», «Vernisaj şeirlər», «Hardan baxsan görünən adam», «Ay Suvarisi» kitablarının müəllifidir. Rəsul Rza mükafatının laureatıdir. «Vektor» Beynəlxalq Elm Mərkəzinin fəxri doktoru adına, Gümüş Arzu Türk Ədəbiyyatına xidmət ödülünə, Bahar Simpadisi ödüllərinə layiq görülüb.

Şeirləri rus, ingilis, fransız, alman, ispan, eston və s. dillərə tərcümə olunub.

İncəsənətin və mədəniyyətin müxtəlif sahələrinə aid 200-dən artıq esse və məqalənin müəllifidir.

Rəsm əsərləri Almaniyada, Rusiyada, Qırğızıstanda, İranda, Türkiyədə və Azərbaycanda şəxsi kolleksiyalarda saxlanılır. /Mediaforum/

Günün bütün mövzuları

Şərhləri göstər

XS
SM
MD
LG