Keçid linkləri

2024, 29 Mart, Cümə, Bakı vaxtı 19:48

Azərbaycanlı bəstəkar beynəlxalq müsabiqənin qalibi olub


Ayaz Qəmbərli
Ayaz Qəmbərli

-

Gənc bəstəkar Ayaz Qəmbərli bəstəkarların 9-cu «Franz Schubert and Modern Music» Beynəlxalq Müsabiqəsinin qalibi olub.

Xəbəri Mədəniyyət və Turizm Nazirliyi yayıb.

Bu il müsabiqədə münsiflər heyəti (Robert Höldrich'in başçılığı altında Chia Chou, Beat Furrer, Gerd Kühr, Andreas Lindenbaum və Isabel Mundry) 51 ölkədən 185 əsərə baxış keçirib.

Nüfuzlu mükafatın təqdimetmə mərasimi 2015-ci ilin fevralında Graz Konservatoriyasında keçiriləcək.

Ayaz Qəmbərli 1984-cü ildə Bakıda doğulub.

Asəf Zeynallı adına Musiqi Texnikumunun piano bölməsində təhsil alıb.

Bakı Musiqi Akademiyasının bəstəkarlıq şöbəsində prof. Arif Məlikovun sinfində oxuyub.

2008-ci ildən bir çox beynəlxalq müsabiqələrə qatılıb.

2011-ci il gənc bəstəkar üçün uğurlu olub.

Ayaz Gənclər və İdman Nazirliyinin təsis etdiyi «Gənclər mükafatı»na və ABŞ-ın Boston şəhərində keçirilən bəstəkarların 29-cu «ALEA III» müasir musiqi müsabiqəsində I yerə layiq görülüb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG