ABŞ-ın Əfqanıstanda və Pakistanda xüsusi nümayəndəsi James Dobbins deyib ki, Əfqanıstanda prezident seçkisində mübahisə edən iki namizəd ölkəni parçalamamaq üçün koalision hökumət yaratmaq məsələsini həll etməlidirlər.
O deyib ki, Əfqanıstanda seçkini udan hər şeyi qazanır- prinsipi işləmir.
Əfqanıstanda seçkinin nəticələrinə görə Ashraf Ghani Abdullah Abdulahdan 1 milyon çox səs toplayıb, ancaq seçkidə saxtakarlıq olduğunu bildirən Abdullah özünü qalib elan edib. Problemi həll etmək üçün ABŞ dövlət katibi Kerry iyulun 11-də Əfqanıstana gələcək.