Yulia Timoshenkonu 7 il həbsə məhkum edən hakimi Ukraynanın axtarışda olan şəxsləri siyahısına salıblar.
Daxili işlər nazirliyi iyulun 7-də bildirir ki, Rodion Kireyev adlı hakim “bilərəkdən qanunsuz hökm verdiyinə görə” axtarşa verilib.
Kireyevi axırıncı dəfə keçən həftə Kiyevdə görüblər. O vaxtdan onun barəsində məlumat yoxdur.
Kireyev 2011-ci ildə keçmiş baş nazir Timoshenkoya hakimiyyətdən sui-istifadə ittihamı ilə 7 il həbs cəzası kəsmişdi.