-
Ukrayna ordusunun sözçüsü Oleksiy Dmytrashkovsky bildirir ki, hökumət qüvvələri separatçıların mövqelərini artilleriya atəşinə tutur, hava hücumları endirir.
Dmytrashkovsky bildirir ki, yaraqlılar SU-25 təyyarəsinə atəş açıb, ona xəsarət yetirib, ancaq təyyarə təhlükəsiz şəkildə bazaya enə bilib. O, yaraqlıların bir hərbi vertolyotu vurması xəbərini təkzib edib.
Kiyev bildirir ki, qüvvələri Luqanskda Dovzgansky keçid məntəqəsinə nəzarəti ələ keçirib. Yaraqlılar isə Luqansk aeroportuna nəzarət etdiyini deyir.
Donetsk şəhərində separatçılar bir neçə saatlıq döyüşlərdən sonra Daxili İşlər Nazirliyini ələ keçirib.
Donetskdə separatçılar dörd nəfərin öldürüldüyünü bildirir. Onlar Kramatorsk şəhərində avtobusda atəşə tutulub.
Kramatorskda, Donetsk aeroportunda atışma gedir. Şahidlərin dediyinə görə, Donetsk-in şimal-qərbində Karlivka kəndində tank döyüşü gedir.
