Keçid linkləri

logo-print
2016, 05 Dekabr, Bazar ertəsi, Bakı vaxtı 12:49

Musiqili Teatr mövsümü ən sevilən tamaşa və ən sevilən aktyorlarla bağlayacaq


«Ər və arvad» tamaşasının afişası

«Ər və arvad» tamaşasının afişası

-

Azərbaycan Dövlət Musiqili Teatrı 114-cü mövsümünü iyulun 5-də «Ər və arvad» tamaşası ilə başa vuracaq.

Teatrın mətbuat xidmətinin AzadlıqRadiosuna verdiyi xəbərə görə, bağlanışın məhz bu tamaşa ilə olması təsadüfi deyil.

Üzeyir Hacıbəylinin 1909-cu ildə yazdığı üçpərdəli «Ər və arvad» musiqili komediyası ilə Azərbaycan Dövlət Musiqili Teatrının əsası qoyulub.

Odur ki, bir ənənə olaraq, hər il sentyabrın 18-də -- Milli Musiqi Günündə yeni mövsüm bu tamaşa ilə açılır və iyulda bu tamaşa ilə başa çatır.

Tamaşanın quruluşçu rejissoru Yusif Əkbərov, quruluşçu dirijoru əməkdar incəsənət xadimi Nazim Hacıəlibəyovdur.

Xəbərdə teatrın direktoru Əliqismət Lalayevə istinadla bu bağlanışın daha möhtəşəm olacağı bildirilir.

Tamaşaçıların ən çox sevdikləri aktyorlar ən sevilən tamaşada birlikdə səhnəyə çıxacaqlar.

Xalq artistləri İlham Namiq Kamal (Mərcan bəy), Afaq Bəşirqızı (Minnət xanım), Fatma Mahmudova (Arvad), əməkdar artistlər Ələkbər Əliyev (Kərbəlayı Qubad), Əkbər Əlizadə (Səfi), Gülcahan Salamova (Gülpəri), Əliməmməd Novruzov (Aşpaz), Hüseyn Əlili (Suçu), Ağaxan Şərifov (Süpürgəçi) əsas rollarda çıxış edəcəklər.

Günün bütün mövzuları

XS
SM
MD
LG