Əfqanıstanın Müstəqil Seçki Komissiyası bildirir ki, 2 min seçki məntəqəsində səslərin sayılmasına yenidən baxacaq. Səbəb namizədlərin saxtakarlığa dair iddialarıdır.
Komissiya sədri Ahmed Yousuf Nuristani iyunun 30-da AzadlıqRadiosuna eksklüziv müsahibəsində deyib ki, 30 əyalətdə 1.900 seçki məntəqəsində səslər yenidən sayılacaq və məqsəd «şəffaflıq və ədalətin bərpasıdır».
Onun sözlərinə görə, səslərin sayılması dörd-beş gün çəkə bilər. Nuristani deyir ki, komissiya hələlik nəticələri qismən iyulun 2-də açıqlamaq və ya son nəticəni gözləmək qərarı verməyib.
Seçkinin ilkin nəticələrinin iyulun 2-də, yekun nəticələrin iyulun 22-də açıqlanacağı gözlənirdi. Keçmiş xarici işlər naziri Abdullah Abdullah keçmiş maliyyə naziri Ashraf Ghani arasında seçki iyunun 14-də keçirilib.