Braziliyada keçirilən dünya çempionatında 1/8 final qarşılaşması ev sahibləri üçün elə də asan olmayıb. Braziliya Çili qarşılaşmasında hesabı 17-ci dəqiqədə açan David Lius braziliyalıları önə çıxartsa 15 dəqiqə sonra Çili yığması bu qolun əvəzini çıxıb. Aleksis Sanches hesabı bərabərləşdirib: 1-1.
İkinci hissədə isə qapılara top vurulmayıb. Hər biri 15 dəqiqə olmaqla daha iki hissə isə hesab dəyişməyib. Qalibi isə penaltilər müəyyənləşdirib.
Penaltilər seriyasında Braziliya yığması 3:2 hesabı ilə qalib gəlib.
1/4 finala yüksələn daha bir komanda isə Kolumbiya millisi olub.
Kolumbiya güclü Uruqvay yığmasına 2:0 hesabı ilə qalib gəlib. Hər iki qolu James Rodriguez vurub. Yarış boyu Kolumbiya daha üstün oyun göstərib. Rodriguez birinci qolu 28-ci dəqiqədə, ikinci qolu isə 50-ci dəqiqədə vurub.
Oyunun son 10 dəqiqəsində Uruqvay millisinin qol vurmaq şansı olsa da qapıçı Ospina 79 və 85-ci dəqiqələrdə qapısını uruqvaylıların hücumundan xilas edə bilib.
1/4 finalda Kolumbiya Braziliya millisi ilə qarşılaşacaq.
İyunun 29-da keçiriləcək oyunlarda Hollandiya Meksika, Kosta-Rika isə Yunanıstan yığmaları ilə qarşılaşacaq.
