Keçid linkləri

2024, 28 Mart, Cümə axşamı, Bakı vaxtı 12:51

Bu gün II Bakı Beynəlxalq Turizm Filmləri Festivalı açılır


II Bakı Beynəlxalq Turizm Filmləri Festivalı
II Bakı Beynəlxalq Turizm Filmləri Festivalı

-

İyunun 25-də Bakıda Mədəniyyət və Turizm Nazirliyinin dəstəyi ilə II Bakı Beynəlxalq Turizm Filmləri Festivalının açılışı olacaq.

Bakı şəhər Mədəniyyət və Turizm İdarəsinin yaydığı xəbərə görə, festivalda 37 ölkədən 70-ə yaxın film göstəriləcək.

Azərbaycan festivalda Mariya İbrahimovanın «Azərbaycan: Şərqin Avropa cazibəsi», Elvin Abdullayevin «Çox-çox uzaqlarda», Vüqar İslamzadənin «Ritmik gimnastika üzrə 30-cu Avropa Çempionatı» filmləri ilə təmsil olunacaq.

Filmləri kinematoqrafçılardan, səyahət və turizm ekspertlərindən ibarət 7 nəfərlik beynəlxalq münsiflər heyəti qiymətləndirəcək.

Münsiflər heyətinin 3 üzvü Azərbaycandan (Ayaz Salayev, Aynur Talıbova və Vüqar Şıxəmmədov), 4 üzvü isə xarici ölkələrdəndir (Aleksandr Kammel, Spomenka Saraqa, Tofiq Şahverdiyev, Can Özbatur).

Beynəlxalq münsiflər heyəti hər kateqoriyada 3 filmi müəyyən edərək mükafatlandıracaq.

I yerə - Qızıl mükafat – diplom, mükafat və 2000 avro pul, II yerə - Gümüş mükafat – diplom və mükafat, III yerə - Bürünc mükafat – diplom və mükafat təqdim ediləcək.

Festivalın ən yaxşı filmi isə «QRAN PRİ» – diplom, mükafat və 4000 avro pul qazanacaq.

Festivalda eyni zamanda seminarlar, müzakirələr, ustad dərsləri keçiriləcək.

Festival iyunun 29-da bağlanacaq.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG