-
Azərbaycanın separatçı Dağlıq Qarabağ regionunun rəhbərliyi bildirir ki, Azərbaycan qüvvələri bir əsgəri öldürüb.
İyunun 25-də yayılmış bəyanatda tanınmamış respublikanın Müdafiə Nazirliyi bildirib ki, 19 yaşlı əsgər Armen Avetisian ötən gecə öldürülüb.
Azərbaycanın Müdafiə Nazirliyinin iyunun 25-də yaydığı məlumata görə, Ermənistan silahlı qüvvələri 24 saat ərzində atəşkəsi 78 dəfə pozublar.
Bu il atəşkəsin pozulması nəticəsində hər iki tərəfdən azı 17 əsgər ölüb.
Dağlıq Qarabağın müstəqilliyini heç bir ölkə tanımayıb.