-
NİDA Vətəndaş Hərəkatının həbsdə olan üzvü Orxan Eyyubzadə barəsində seçilmiş həbs-qətimkan tədbirinin müddəti uzadılıb.
Bu haqda AzadlıqRadiosuna onun vəkili Əshabəli Mustafayev məlumat verib.
Binəqədi rayon Məhkəməsi onun barəsində olan həbs-qətimkan tədbirinin bir ay uzadılması barədə qərar qəbul edib.
Orxan Eyyubzadə bu il mayın 6-da NİDA fəallarına hökm oxunarkən Bakıda keçirilən etiraz aksiyasında tutulub, 20 sutka həbs cəzası alıb.
Daha sonra onun haqqında cinayət işi açılıb və həbs müddəti 1 ay daha uzadılmışdı.
Gənc fəal «hakimiyyət nümayəndəsinə zor tətbiq etmədə» (315.1 maddəsi) ittiham olunur.