Keçid linkləri

logo-print
2016, 03 Dekabr, şənbə, Bakı vaxtı 02:48

ELÇİN: "Yazıçılar Birliyi ədəbiyyatın maraqlarına sahib çıxsın"


Elçin (Əfəndiyev)

Elçin (Əfəndiyev)

-

“Bəs Anar nə desin? Desin ki, düşmənik?”


Xalq yazıçısı Elçin Əfəndiyevin APA-ya müsahibəsi


- Elçin müəllim, Yazıçılar Birliyinin son qurultayını tez tərk etməyiniz həm iştirakçıların, həm də, ümumiyyətlə, ədəbi ictimaiyyətin diqqətini cəlb etdi, cürbəcür mülahizələr söyləndi. Özünüz bu barədə nə deyə bilərsiniz?

- Mənim qurultaydan tez getməyim sadəcə olaraq, həmin günlərdə iş qrafikimin çox gərgin olması ilə bağlıdır. Bundan sensasiya düzəldib ajiotaj yaratmaq lazım deyil, çünki belə sensasiyaya və ajiotaja heç bir başqa səbəb yoxdur. Qurultayın qonaqları arasında mənim Yevgeni Sidorov, Oljas Süleymenov, Ataol Bəhramoğlu kimi 40-45 illik dostlarım da var idi, heç macal tapıb onlarla da əməlli-başlı görüşə bilmədim.

- Qurultay başlayanda hamı Sizin çıxışınızı gözləyirdi, ancaq heç çıxış da etmədiniz...

- Mənim beş il əvvəl dediklərimi təzədən təkrar etməyimə nə ehtiyac var idi? O vaxt Yazıçılar Birliyinin 75 illiyi münasibətilə çıxış etmişdim, sonra da o çıxış əsasında məqalə yazmışdım. Həmin çıxışda da, məqalədə də o zaman gözlənilən qurultayla bağlı fikirlərimi demişdim. Həmin məqalə “525-ci qəzet”də çap olunub, maraqlananlar tapıb oxuya bilərlər. Qurultay gecikdi, ancaq mən onda Yazıçılar Birliyi barədə, ədəbiyyat və ədəbi proses barədə nə demişdimsə, indi də o fikirdəyəm. Buna görə də çıxış etməyə lüzum görmədim.

- Anar müsahibədə deyir ki, Elçin mənim dostumdur...

- Bəs Anar nə desin? Desin ki, düşmənik? Dost dosta dost deyər də! Bəli, biz az qala əlli ilin dostuyuq.

- Yazıçılar Birliyinin yeni-köhnə rəhbərliyi barədə nə deyə bilərsiniz?


- Fikrət Qoca da Anar kimi, mənim köhnə və əziz dostumdur. Çingiz də, Rəşad da, Arif də mənim dostlarımdır. Mən onlara ilk növbədə cansağlığı, yaradıcılıq uğurları və Yazıçılar Birliyindəki fəaliyyətləri üçün daha artıq bir enerji, ədəbi-bədii prinsipiallıq və cəsarət, daha artıq işgüzarlıq arzulayıram.

- Yazıçılar Birliyinə sözünüz?

- Sözüm, əslində umacağım, ondan ibarətdir ki, Yazıçılar Birliyi ədəbiyyatın maraqlarına sahib çıxsın. Bu gün buna çox ehtiyac var və mənim umacağım da ancaq budur.

Günün bütün mövzuları

XS
SM
MD
LG