Keçid linkləri

logo-print
2016, 03 Dekabr, şənbə, Bakı vaxtı 00:06
-
Rusiya, Ukrayna və Avropa Komissiyasının təmsilçilərinin Kiyevdə üçtərəfli qaz danışıqları nəticəsiz bitib.

İyunun 16-da Moskva vaxtı ilə saat 10-dək Qazprom Kiyevdən 2 milyard dollarlıq borcu geri istəyir. Əks halda, Ukraynaya qaz təchizatı üçün öncədən ödəmə rejiminə keçiləcək. Bunu Qazpromun təmsilçisi Sergey Kupriyanov deyib.

Ukraynanın energetika və mədən sənayesi naziri Yuriy Prodan Kiyevdə bildirib ki, Rusiya qaza dair bazar kompromisinin tapılmasına meylli olmayıb və Avropa Komissiyasının konkret təkliflərinə razılaşmayıb.

Naftoqaz Ukrayna şirkətinin rəhbəri Andrey Kobolev deyib ki, yeni günün əvvəlinədək hansısa kompromisi istisna etmir. Onun sözlərinə görə, Avropa Komissiyasının rəhbəri Guenter Oettinger min kubmetr qaza görə 326 dollar aralıq qiyməti müəyyənləşdirməyi təklif edib. Rusiya tərəfi hələlik bu təklifə cavab verməyib.

Ukraynanın qaz borcu 5 milyard dollar həcmindədir. Moskva borcun ödənməsini tələb edir. Mayın sonunda bu məbləğin 783 milyon dolları ödənib.
XS
SM
MD
LG