Keçid linkləri

2016, 09 Dekabr, Cümə, Bakı vaxtı 00:18

Saddam Hussein-in qızı vəhhabilərin qələbəsinə sevinir


Raghad Saddam Hussein

Raghad Saddam Hussein

-
İraqın devrilmiş lideri Saddam Hussein-in qızı Raghad Hussein İraq Şam İslam Dövlətinin (İŞİD) son hücumlarından məmnun olduğunu bildirib.

Raghad Hussein atasının 2006-cı ildə edam edilməsindən sonra sürgündə yaşadığı İordaniyada «Al-Quds» qəzetinə danışıb.

O deyib ki, İŞİD-in Saddam Hussein-in doğma şəhəri olan Tikriti ələ keçirməsinə görə çox sevinir:

«Bu qələbələri gördüyümə çox şadam. Bu atam və əmim Izzat al-Durin-in döyüşçülərinin qələbəsidir».

Raghad onu da deyib ki, «indi rahatam. Bir gün İraqa qayıdıb atamın qəbrini ziyarət edəcəyəm. Bəlkə bu, tezliklə olmayacaq, ancaq olacaq».

İraqın baş naziri Nuri al-Maliki 2006-cı ildə vəzifəyə gəldiyində ilk işi olaraq Raghad Hussein-in və Izzat al-Durin-in axtarışda olduğunu bildirmişdi. Al-Durin siyahıda birinci, Raghad isə 16-cı sırada yer alır.

İordaniya kral ailəsi Saddam Hussein-in devrilməsindən sonra onun ailə üzvlərinə İordaniyada sığınacaq verib.

İraqda Mosul və Tikrit şəhərlərini ələ keçirən İraq Şam İslam Dövləti adlı sələfi (vəhhabi) terror təşkilatı paytaxt Bağdad şəhərinə doğru irəliləyir.

Günün bütün mövzuları

XS
SM
MD
LG